依賴性

「北上」

好多香港嘅公司都係過去個幾年北上搵人仔,原因係香港市場點樣做都只會係得個七百萬人口。而好多國際品牌都會利用香港作為一個同中國市場之間嘅跳板同接口。當然過去個十幾年,全球嘅目光都放咗係中國市場,因為佢哋嘅經濟急速發展,而且購買力驚人,所以好多公司嘅業務都已經轉移到中國,甚至乎當中國經濟出現問題嘅時候,好多時就會直接影響佢哋嘅盈利!

舊酒瓶

好多時見到一啲新創公司其實唔係一啲乜嘢創意嘢,只不過係一啲舊酒新瓶嘅業務。最常見嘅係將一啲傳統行業數碼化,而今次去台灣同樣聽到同一樣嘢。就好似香港叫貨車唔係一啲新嘅事物,將傳統士多變成網上店舖,其實我哋身邊仲有好多類似嘅例子。但係佢哋嘅成功係邊?就係有一個好好嘅故事係背後支撐。到最後將一啲好平凡嘅產品同服務重新包裝,利用科技去現代化傳統運作。

交流完

剛剛去完台灣交流完,可以感受到大家嘅問題其實差唔多,大家都係搵緊出路。傳統媒體面對新媒體嘅問題,新創公司大部份都欠缺營銷同推廣能力,而數據好似仲未係好普遍。其實我覺得各有各嘅優勢,各有各嘅問題,真係你睇我好我睇你好。但係其實大家係可以互補不足,加強交流同合作,或者可以擦出唔同嘅火花同機會。希望經過今次台灣之旅可以有一啲新嘅方向。

兒童節

「兒童」

今日係四月四日,希望各位小朋友今日過得開開心心!兒童節,顧名思義係為紀念保障兒童權利、反對虐待兒童或毒害兒童嘅節日。1925年係瑞士日內瓦召開關於兒童福利嘅國際會議上,國際兒童幸福促進會首次提出了「兒童節」嘅概念,號召各國設立自己嘅兒童紀念日。該倡議得到世界許多國家嘅贊同。

一月一


個人分享
Tagged With: , , , , , , , , ,

「新年」

今日係2015年嘅第一日,希望大家今年有個好開始,健健康康,快快樂樂,幸幸福福!最希望今年天災人禍可以少啲!一月一號終於天氣好返啲,雖然今年冇去睇日出,不過都去咗南丫島睇日落。睇到大家繼續抗爭同用不形式去令雨傘遍地開花,希望今晚「撐起雨傘」可以攞到叱咤歌曲大奬!