放煙花


個人分享
Tagged With: , , , , , , , , ,

係回歸之前,我印象中,每年淨係農曆新年香港先至會放煙花。所以可以影煙花嘅機會真係好少,不過依家香港每年都至少放三次煙花,所以可以影煙花嘅機會就多咗。以前每年我都會去尖東海旁影煙花,尤其係農曆新年,但係四年前嘅今日,突然之間同老婆講唔去影國慶煙花喇。點知嗰年就發生咗南丫海難嘅慘劇。自此之後,我亦都無再去影國慶煙花。

中國化


個人分享
Tagged With: , , , , , , , , ,

雖然香港已經回歸咗咁多年,如果你話冇變過就真係呃你嘅!所謂五十年不變,真係有啲呃細路仔嘅感覺!而香港人大部份都好現實,只要有錢搵,唔好影響自己嘅生活就冇問題。如果經濟差嘅話,就係度怨天尤人,之後就話要搵阿爺幫手。而過去咁多年好多人其實淨係搵緊中國錢,但係就忽略咗同犧牲咗好多香港原本嘅特色。咁仲唔係中國化?有時諗返自己係中國做嘢嗰幾年,適應咗當地生活都覺得自己被同化咗!