再見了


個人分享
Tagged With: , , , , , , , , ,

認識你應該有二十年,因為同你哋一班朋友嘅生活唔同,其實真係好少機會一齊玩。不過唔記得點解大家有一段時間有過深層次嘅交談。雖然生活同社交圈子唔同,不過睇住你拍拖,結婚,生仔,有一個美滿嘅人生嘅時候,兩年前一個大家都會震驚嘅消息令我覺得天意弄人!好多嘢都唔明白,好多嘢都唔公平!自你開始記錄你嘅經歷,你所寫嘅每一篇文章我都有睇完。

一七年


個人分享
Tagged With: , , , , , , , , ,

二零一七應該係我人生入面最差嘅一年!由頭到尾其實都唔知今年做咗啲乜,只係知道每一日都有唔同嘅問題要處理!真係可以話十個煲得一個蓋去形容。本來以為年尾可以好過返少少,點知到最後仍然仲未有啲乜嘢突破!雖然每日都希望用一個正面嘅心態去看待困難同逆境,但係每日得到嘅係無數嘅批評同責備。雖然嚟到今年嘅最後一日,情況依然未有改善,只係希望新嘅一年做返自己!

開戶口

仲記得啱啱開公司嘅時候,基本上只要行入去銀行話要開個戶口,跟住填啲資料然後基本上就可以開到戶口。但係今時今日就好唔同,好多要提供無數嘅資料,有啲仲要問你拎唔同嘅文件。如果你係一間新嘅公司,基本上要開戶口真係天方夜譚嘅事。最大問題嘅係有啲銀行要你存入最低戶口結餘,只不過試問一間新嘅公司又邊度有錢呢?而好多初創公司就連業務都未有,邊度搵啲錢比你呢?

我也是

華人社會傳統觀念對性避諱!所以要受害者企出來將自己性侵嘅經歷公開其實係有一定嘅難度!好多時因為指責嘅文化,往往將事件嘅責任歸咎於女性自己身上,係佢哋自己抵死!咁樣只會令女性覺得講出嚟無用,因為無任何嘅支援,而且最後只會令自己再次受傷。係外國「#metoo」能夠成為一場運動,其實係需要周圍嘅人對企出嘅人人,採取欣賞支持嘅態度,與此同時給予佢哋嘅肯定!

做品牌


個人分享
Tagged With: , , , , , , , , ,

品牌其實唔等同商標!品牌指嘅係產品或者服務嘅象徵。而商標通常都係以符號作為識別嘅標記。品牌所涵蓋嘅領域必須包括商譽,產品,企業文化以及整體營運嘅管理。所以品牌唔係單薄嘅象徵,而係一個企業總體競爭或企業競爭力的總和。當成為一個真正的品牌嘅時候,係每個消費者嘅心中都已經形成咗一個對這個品牌嘅認識,而消費者對品牌嘅認識就形成嚟個品牌嘅內涵。