母親論

仲記唔記得我哋嗰位以為自己係所有人嘅母親嘅特首?佢嘅母親論應該都已經差唔多係一年前,啱啱發生反送中示威嘅時候。佢當時係一個獨家訪問入面,用母親無法縱容兒子吵鬧嘅任性行為比喻此次反送中示威,為嗰啲佔領金鐘嘅年輕人感到憂!當然就立刻被好多香港人反擊,甚至引起一班香港嘅媽媽發起連署,認為自己身為一位母親,絕對不會用有殺傷力嘅武器攻擊自己嘅仔女!亦都唔會見到年輕人係警棍下血流披面仍無動於!

打橫嚟

其實而家香港係唔係去到一個打橫嚟嘅局面?真係厚住面皮去格硬嚟?究竟係唔係佢哋覺得點就點?內務委員會主席選舉出現爭議,佔議席優勢嘅建議派企圖打破以往正副主席由建制及泛民分別擔任嘅默契,有意壟斷正副主席職位。由於上屆主席民建聯李慧琼角逐連任,交由上屆副主席公民黨郭榮鏗主持主席選舉。民主派提名接近20人參選,極力爭取發言機會,阻擋建制派壟斷正副主席。

潛行規

好多行業都會有自己嘅行規,當然嚟啲行規無人會白紙黑字咁寫出嚟,而且好多時亦都無人會大大聲咁同你講。所以有時係要自己執生!咁究竟邊個定嚟啲行規?老實講好多時都唔知,又或者其實係好耐之前嘅一啲規矩遺留落嚟,就係咁大家只要做就不要問啦!我印象中都好似有俾人問過係唔係新嚟㗎,你邊度㗎,乜你唔知行規㗎咩?有時真係唔係嗰行真係唔知佢哋有乜嘢行規,最好事前去探下風,問下前輩,或者識下嗰行嘅人了解下先!

再出發

香港再出發?出發去邊?其實真係要幾咁老土嘅人先至會諗啲咁老土嘅嘢?我諗都係得啲無聊人先至會做!如果你問香港人想出發去邊,我諗而家好多香港人最想嘅就當然係出發去旅行啦!好老實講其實要轉型,要再出發嘅人都已經出發左!我諗只有固步自封同依賴傳統經濟嘅人先至仲未諗到點出發!要重新開始嘅人係唔會因為逆境而停步,反而係加快咗佢哋嘅腳步!

黃金週

相信香港好耐無試過一個無遊客嘅黃金週。當然好多人以前係靠內地遊客係假期嚟香港旅遊同消費。當然最受惠嘅都係旅遊業,零售業,飲食業等等。但係香港人就覺得好攰,除咗平時自由行,水貨客搞到好多地方都人多擠迫。最大嘅問題就當然係質素問題!而當大家過去咁多年都好容易賺錢嘅時候,當遇到逆市嘅時候,就好似而家咁。其實太過依賴單一收入來源先至係問題所在,而且係市況好嘅時候唔改變,到問題出現嘅時候就已經太遲了!