配眼鏡


個人分享
Tagged With: , , , , , , , , ,

過去幾年,有好多日本嚟香港開嘅眼鏡舖。原來好多人去日本都會去配眼鏡,原因係因為可以快速配到眼鏡,而且價錢相當平易近人。當然最緊要嘅係仍然保留日本人堅持嘅品質。當然香港亦都有類似嘅品牌,但係感覺都係好似日本品牌同品質有保證。相信今次換眼鏡都會平平地咁試下,同時亦都想換下造型。始終換嚟換去都差唔多嘅款式,因為始終用幾年唔敢搏!

早轉型

公司要轉型其實唔係一件易事,因為通常都會有好多歷史遺留落嚟嘅問題要去面對同解決。如果係一間百年老店就更加難,因為最難處理嘅員工嘅心態。有啲人會覺得係危機,有啲人就會覺得係機遇,所以好視乎員工點樣睇每一次嘅改革同轉型。當然無人可以咁寫包單一定會成功,只不過如果係士氣高昂嘅時候轉型,成功率一定大過士氣低迷嘅時候。

有嘻哈


個人分享
Tagged With: , , , , , , , , ,

好多時做巿場推廣,品牌都會顧及自己嘅形象。不過有時自嘲一下真係無妨,就好似「譚仔」同「100毛」合作嘅一條新片。《譚仔有嘻哈》係一套勵志劇?而除咗有粵語同英語之外,仲有譚仔話?吓唔知乜嘢係譚仔話?咁好明顯你無去過譚仔啦!有時品牌係需要大膽啲,當然就算自嘲都有可能係反效果,不過今次譚仔條片真係幾好笑!有時間嘅話不妨睇下笑下!

個人化


個人分享
Tagged With: , , , , , , , , ,

管理學入面有一樣關於工作生存嘅法則,就係建立個人品牌。而點解要建立個人品牌嘅原因係因為現今社會嘅競爭越嚟越犀利,要大家認識你,了解你同接受你,首先就係要充分表現自己嘅能力。就算你識上天下海都無用,如果只係埋頭苦幹係咁做,而無人知道你嘅能力,其實好難去繼續發展自己既事業。當然以前係大公司入面做嘢已經深深咁感受到!

做品牌


個人分享
Tagged With: , , , , , , , , ,

品牌其實唔等同商標!品牌指嘅係產品或者服務嘅象徵。而商標通常都係以符號作為識別嘅標記。品牌所涵蓋嘅領域必須包括商譽,產品,企業文化以及整體營運嘅管理。所以品牌唔係單薄嘅象徵,而係一個企業總體競爭或企業競爭力的總和。當成為一個真正的品牌嘅時候,係每個消費者嘅心中都已經形成咗一個對這個品牌嘅認識,而消費者對品牌嘅認識就形成嚟個品牌嘅內涵。