搞錯晒

點解人出世改名嘅時候係要跟爸爸個姓,其實根據香港《出生登記條例》第13條,現時嘅出世紙只填寫小朋友個「名」或「名字」,但不包括姓氏。咁究竟小朋友係跟隨爸爸定媽媽個姓呢?一般情況下,已婚夫婦誕生嘅小朋友係會跟隨爸爸嘅姓氏。如果爸爸同媽媽協定自己嘅小朋友跟隨媽媽嘅姓氏,佢哋係可以同入境處提出申請,當局會視乎情況下再作處理。至於未婚誕生嘅小朋友,假如爸爸資料欄留白,小朋友係可跟隨媽媽嘅姓氏。

台防疫

或者大家無留意,今日有幾位朋友都分享咗一篇早前日本媒體刊出一篇報導「38歲 IQ180 的台灣天才大臣」引起全世界的關注。內文提到,唐鳳透過自己的資訊科技嘅專業開發口罩地圖,做出鑽石公主號旅客路線圖,等讓民眾可以知道鑽石公主號嘅遊客曾經到過嘅地點。與此同時,佢對假訊息嘅快速回應,係今次台灣防疫嘅一個關鍵角色。邊個話資訊科技無用?仲要次次裁員先裁佢哋!

港品格

唔知由幾時開始,香港人嘅質素好似每況越下,唔講仲以為佢哋係大陸人。以前如果你出去旅行,同人哋講你係香港嚟,通常當地人都會好客氣。但係依家就算你未表明自己係香港人,只要佢哋覺得你似大陸人嘅話,其實啲人嘅態度已經有所改變。以前我哋好強調自己係香港人係因為我哋唔想俾人覺得我哋係大陸人。只不過有啲人嘅行為同大陸人無分別。點解香港人嘅質素會倒退咗呢?好多時其實都係因為教育嘅問題!

小燈泡

本來真係唔想再睇,再聽,再講嚟件事!只不過嚟兩日心入面真係好唔舒服,所以希望寫出嚟抒發下!當我知道小燈泡媽媽寫咗篇千字文之後,其實我有諗過睇唔睇。我真係一個好眼淺嘅人,我睇到第一句「我真的好想她」嘅時候,我其實已經無再睇落去,因為心入面真係非常難過。直至夜晚做晒所有嘢之後先知再靜靜地咁睇完篇文章。

無血性

本來今日諗住寫其他話題,但係晏晝睇到台灣嗰篇新聞真係心情沉一沉。世界上點解有啲咁冷血無情嘅人?點解可以殘忍過嗰啲恐怖分子?一個四歲嘅小朋友天真無邪,開開心心返緊屋企嘅時候,竟然俾人殺害。其實當我睇咗一兩篇報導只係,我真係唔想再睇嚟篇新聞。作為人哋父母真係無辦法想像嚟個世界會有啲咁嘅人存在。莫講係小朋友,如果係大人你都會覺得恐怖!