要取捨


個人分享
Tagged With: , , , , , , , , ,

人生好多時都係不自覺嘅情況下變得好在意得與失,越係想得到嘅嘢就越得唔到,而越易得到嘅嘢就變得唔矜貴。人生就係獲得與失去之間慢慢成長,而要成長就當然要跌過,碰過先至會領略到珍惜自己所擁有嘅嘢。有時有啲嘢係唔可以強求,所以所以唔好執著一啲唔屬於自己嘅嘢。咁樣你嘅人生就會輕鬆啲,開心啲。或者你今日唔明,但係相信總有一日你會明白。

港學校


個人分享
Tagged With: , , , , , , , , ,

香港嘅教育制度真係玩死啲父母,當然係其他國家都會有類似嘅情況,只不過香港係唔係有啲太過複雜呢?就連幼稚園都已經要搞咁多嘢,真係未做人父母係唔會知道有幾變態。有時唔係你想做怪獸家長,而係不論政府又好,學校又好,都令到好多家長變成怪獸。好多人都會跑出嚟講好多嘢,但係如果唔改變根本嘅問題,其實講乜嘢都無用!

盡咗力

要成功就要知道問題嘅根源,要改變唔係一朝一夕嘅事。有時就算無可能嘅嘢,只要盡力去做,或許有一日你可以將無可能嘅嘢變成有可能。一個人幾叻都好,如果唔盡力去做嘅話,其實都會失敗。但係如果盡全力去做嘅話,其實係會事半功倍。雖然有時結果係有可能強差人意,但係唔代表你失敗,最起碼自己盡咗力去做,對得住自己。唔試過你又點知結果係點?

馬騮仔


個人分享
Tagged With: , , , , , , , , ,

當你嘅責任越大,你要處理嘅事就會越多。好多時亦都因為咁而令到自己原本做得最好嘅嘢都會做得唔好。所以要專注做好一件事其實好難,尤其係當自己營運一間公司嘅時候,因為身邊總會有好多瑣碎嘅嘢要你處理。所以如果可以放手俾人做嘅就應該放手,唔好等啲嘢積晒係自己身上,事關太多嘢嘅話到最後會被砸死!但係如果冇人幫嘅時候,真係要諗下邊樣嘢值得做,邊樣野係負累,就算壯士斷臂都要揀其一!

取其一


個人分享
Tagged With: , , , , , , , , ,

今年其實就預咗起起跌跌,但係無諗過下半年一開始,整個人完全無晒方向。對上個次我諗係七年前啱啱返嚟香港嘅時候,不過最起碼嗰陣時還有一個目標。或者依家要考慮嘅嘢比起七年前還要多,好多嘢都唔希望淨係取其一。係唔係所有嘢都只有一條路?當然我唔相信人生只有一條路,而唔係個個人都會捨易取難。雖然選擇咗嘅嘢係無得返轉頭,但係最起碼有一個決定。真係希望人生可以輕鬆啲,平淡啲,咁就好了。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。