人類其實係好自私！當然或者你同我都唔覺，事關大家都會覺得所有嘢都係理所當然。只不過我哋每一日嘅日常生活都係取自地球嘅資源，而且有啲資源係會有用完嘅一日。雖然現今科技發達，但係好多生物都面臨絕種！原因係因為我哋人類不斷令到好多野生動物無辦法正常生活。而當大家認為嗰啲動物威脅自己嘅時候就選擇去奪取佢哋嘅生命！其實佢哋做錯咗啲乜呢？

首先我唔係歧視印度人，因為我都認識好多印度人，所以今日講嘅唔係針對任何宗教或者種族，只不過真係諗唔明點解啲人可以咁變態同咁無人性。如果大家有留意新聞嘅話，不時都會睇到一啲會令人匪夷所思同令人髮指嘅強姦案。雖然世界上每日都有咁嘅案件發生，但係大部份係印度新德里發生嘅都相當變態。好似啲女性俾人侵犯係一件好正常同平常嘅事。