第十八

邊個話女仔易湊啲㗎?不過女仔就真係有啲脾氣,有時真係唔知道佢扭啲乜嘢。當然依家識行識走,同隻甩繩馬騮無分別。本來以為女仔會定啲,安靜啲,但係真係比起郭大少更加嚴重,真係以為生多咗個仔。話雖如此,佢又唔係嗰啲唔怕陌生人嗰啲,見到唔識嘅都需要啲時間去適應。希望之後返學會好啲,相信唔會好似郭大少咁一支箭咁衝咗入去連回頭望都唔望。