就一歲

「分別」

我經常講郭大少係同其他小朋友有啲唔同,佢係一個觀察力同學習方法都好似有啲分別,但係食嘢同飲水方面真係搞到我同老婆一頭煙!本身佢已經唔係肥嗰啲,依家餵佢食嘢真係好頭痕,鍾意食嘅就好肯食,唔鍾意嘅就點氹都唔識。真係激鬼死!好彩嘅係多得老婆過去嗰十一個月堅持餵人奶,所以相對病痛都比較少。只係今個月有少少鼻水同屙爛屎,所以穩陣起見都係去睇醫生!