定勝負

好多時當你以為自己贏梗嘅時候就會開始放慢腳步,點知就因為咁樣輸咗。其實係唔係有少少好似龜兔賽跑呢?一日未過終點,一日你都仲係未贏,那怕只係嗰一剎那,就係咁你就輸咗。所以一定唔好咁快以為自己贏硬,又或者打定輸數,勝負其實真係一線之差,只要由頭到尾都用盡全力去應付,就算最後輸咗又點?最緊要對得住自己,任何時候都全力以赴!