要敢做


個人分享
Tagged With: , , , , , , , , ,

雖然而家係數碼年代,而廣告亦都分為傳統同數碼兩派。但係做廣告係需要創意,唔係樣樣嘢都只係求回報。我之前亦都講過,數據唔係萬能,而如果太過依賴數據去營運嘅話,基本上係無創意可言。廣告除咗要有創意之外,亦都需要膽量去做。當然有時有啲廣告會太過前衛,引起社會爭議!只不過創作就係咁,唔可以下下都為咗討好市場而做,有時真係要鼓起勇氣踏出一大步。

計太盡

如果一個好嘅數據分析師係會同大家講,唔好麻木相信數據!點解?原因好簡單,因為凡事太盡係會物極必反。所以有修行嘅數據分析師係唔會,講多次係唔會叫任何人用百分百數據去做任何嘢。雖然我自己近年好專注數據分析,亦希望推動數據分析嚟個行業,但係自己始終唔會忘記自己亦都係一個設計師嘅身份,所以會發現有一樣嘢係數據可以分析到嘅就係創意!所以就算我幾鍾意都好,數據係由人創造出嚟,數據係創意嘅副產品,所以數據亦並非萬能!

黃翠如


個人分享
Tagged With: , , , , , , , , ,

「拍檔」

上個月先寫過洪永城,而今日寫黃翠如其實係因為一張之前佢哋係新加坡出席頒獎禮嘅時候兩個拖住手行紅地氈嘅相。雖然我唔係太過鍾意黃翠如,尤其做完之前無線嘅遊戲節目嘅主持同之後嘅「愛回家」。但係唔知點解佢同洪永城兩個擺埋一齊,件事變得好理所當然。雖然佢哋大家已經各自有咗佢哋嘅另一半,只不過係好多網民嘅心目中佢哋先至係一對。老實講佢哋係幾襯嘅!

雨傘聚

「雨傘」

過去個「七十五」日,香港出現咗個奇蹟!「雨傘」喚醒咗好多香港人!一個終結係代表另一個新嘅開始,今日唔係「雨傘運動」嘅完結,而係一個新嘅開始!抗爭嘅路係好漫長!大家因為「雨傘」而聚亦因為「雨傘」而散,不過我相信好快我哋會再「聚」!「雨傘」代表好多好多嘢,唔係三言兩語可以解釋,係一個好複雜嘅感受。去過嘅你應該明白嚟一切係得來不易!

港創意

「藝術」

每次去到唔同嘅集會地方嘅時候,都被濃厚嘅藝術氣息所包圍。 或者以前自己都算係個藝術家所以見到唔同嘅作品都好興奮。大家用唔同嘅風格去記錄低今次嘅運動。通常嚟啲作品都係「一瞬即逝」,當個展覽場地被「一掃如空」嘅時候,佢亦跟隨消失。所以每次去到都盡量用相機去留底。最興幸嘅係仲可以係香港見到咁高質素嘅作品。香港唔係應該咁嘅咩?點解要係呢啲時候先見到佢哋?其實答案心中有數。

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費!
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。