拍廣告


個人分享
Tagged With: , , , , , , , , ,

好似真係好耐無影過相。因為而家實在太方便,所以大多數都係拎住部手機影。當然影完好多時都只會留咗係部手機入面,連執相都懶得執。不過今日有幸去拍廣告,所以幫手影啲相,希望自己無生疏。當然都會擔心影唔影到想要嘅嘢,所以係唔係都影咗先。不過都係一如以往,影完一大堆相,之後基本上得返三份之一要得,然後再篩選同執相嘅話就應該得返十份之一左右。

設計師


個人分享
Tagged With: , , , , , , , , ,

乜嘢係設計?其實設計係指有目的同有計劃嘅創作行為。都講到明係創作,咁就當然係由無變有啦,如果係用原創嘅設計再作其他改動,嚟啲叫做二次創作。只不過如果只係抄襲人哋嘅作品或者風格,咁嚟啲唔可以稱得上係創作。但係好多人就以為將人哋嘅風格改變少少,再加多少少就等於創作,不過講到尾都係抄襲。好嘅創作係點抄都抄唔到,最後只會俾人鄙視!

老夫子

相信好多人都會有睇漫畫嘅習慣,當然本地嘅漫畫家唔多,大部份嘅人都會睇日本漫畫為主。而係香港最為人熟悉嘅漫畫就應該係《老夫子》!唔知有幾多年輕人有睇過《老夫子》嚟本漫畫,就算而家睇番都會覺得好好笑。其實《老夫子》陪伴咗好多香港人成長,不論男女老幼都唔會唔記得入面嘅人物:老夫子,大番薯,秦先生,陳小姐等。唔知大家屋企仲有冇《老夫子》嘅漫畫呢?

廿三條

網絡廿三條再一次靜雞雞咁係下個星期三恢複二讀,如果你唔知係乜,其實係一條好野蠻嘅條例。雖然係話保障版權而作出修改,但係試問以後有好多嘢都無辦法做,包括好多我哋所謂嘅二次創作。咁樣其實係扼殺好多嘅言論自由,如果通過咗嘅話,林海峰同一百毛嘅惡搞或者改歌詞都有機會觸犯條例。就算話草案設有公平處理豁免,咁乜嘢係公平先?邊個定義先?