曾蔭權

上個星期前特首曾蔭權被控公職人員行為失當罪成,當然好多人都會話抵佢死!無可否認佢係有罪,但係佢最起碼唔係一個壞人。一個服務咗香港社會咁多年嘅人,由低做起,直至到特首,咁多年經歷過香港好多風風雨雨!雖然佢未必係一個好嘅特首,但係如果論功績,佢一定比好多人多好多。如果真係講貪嘅話,真係大有人在!如果有罪嘅話,當今特首梁振英都應該一樣有!

懲人節

今日係「情人節」亦都係「懲人節」因為「七警案」終於有裁決!七名警員涉及佔領期間係添馬公園嘅變電站暗角位置,毆打公民黨前成員曾健超。法官今日係早上宣讀裁決,裁定各被告有意圖而導致他人身體受嚴重傷害罪名不成立,但係較輕嘅襲擊致他人受傷控罪則全部罪成。而第五被告陳少丹另亦被裁定普通襲擊罪成,各人須還押。法官聽取各人求情後,將於周五早上判刑。