設計學


個人分享
Tagged With: , , , , , , , , ,

大家近年有無聽過設計思維?其實唔係一啲乜嘢新穎嘅方法,只係將做設計嘅過程同思考方法套用係其他層面。就正如數據分析一樣,我哋每日做嘅嘢其實同設計思維都有啲相似。當然分分鐘數據分析嘅步驟會更加多,只不過都係大同小異。設計思維嘅五部曲包括,同理心,定義問題,形塑創意,製作原型,測試階段。當然透過設計思維係希望打破現時嘅框架,用另外一個角度去諗同解決問題!

收數佬

做數據分析就好似收數佬咁要用盡方法去收數。最怕就係收到啲收唔到啲,因為如果唔係就無辦法反應實際情況。除咗要了解收集數據嘅平台之外,其實好多時都需要少少技術嘅知識。所以用十八般武藝去形容,其實一啲都無誇張!所以要有效咁收集數據係要宏觀去睇,無可能只係專注一點。因為要將數據有效串連一齊係需要一條鎖匙,如果唔係就會分開一節節!

做報告


個人分享
Tagged With: , , , , , , , , ,

做數據分析最討厭嘅唔係對住啲數字,而係辛辛苦苦做完嘅報告無人睇。所以數據分析師嘅其中一個必須嘅技能就係將繁複嘅數字簡單化!然後再用適合嘅方法將數字呈現出嚟,之後加以一個動人嘅故事將前因後果串連起嚟。市面上當然有好多唔同種類嘅產品,當然你亦都可以用最傳統嘅方法,就係 Excel 加 Power Point 啦,不過好多時都會做死自己。

搞清楚

當有咗網站之後,第一件事當然係安裝 Google Analytics 啦,不過真係有人問過我乜唔係裝 Google Tag Manager 就得咩?乜唔係唔洗再裝 Google Analytics 咩?首先嚟兩個係唔同嘅產品,而點解裝咗 Google Tag Manager 唔洗係網站再安裝 Google Analytics?因為我哋將 Google Analytics 加咗入去 Google Tag Manager 入面管理。所以就唔洗另外安裝。咁究竟邊樣好啲?其實如果你問我嘅就當然係 Google Tag Manager 啦,因為長遠有用,有時間再講!

一九年


個人分享
Tagged With: , , , , , , , , , ,

今年有乜嘢目標?如果依家你問我,我諗我嚟刻淨係得一個。就係希望今年可以專注搞好數據分析嘅教育工作。雖然近年已經開始嘗試開辦自家品牌嘅課程,而且係不同嘅地方教書同繼續推廣數據分析,但係進度有啲慢,仍然覺得未夠。要將數據分析普及化,專業化以及得到市場嘅重視,相信仲有一段距離。更重要嘅係要灌輸正確嘅知識同概念!