大細超


個人分享
Tagged With: , , , , , , , , ,

老實講香港依家嘅教育真係去到一個無可挽救嘅地步。小朋友要入學首先就連佢出世嘅月份都有關係!講真一個得一兩歲大嘅小朋友可以面試面啲乜?阿爸同阿媽做乜嘢又同你收唔收個學生有關?不如的學校要家長提供入息證明同信貸記錄好唔好?真係超級離譜!辦教育竟然辦到淨係挑選佢哋認為有能力嘅小朋友,咁仲係一視同仁?況且得個一兩歲人仔可以話俾你聽幾多嘢?

二十九


個人分享
Tagged With: , , , , , , , , ,

唔知有幾多人係二月二十九日出世呢?雖然有時覺得佢哋幾特別,因為真係四年先至有一次可以正日慶祝生日,不過如果唔係閏年嘅話,佢哋會選擇係二月二十八日慶祝生日,定係三月一日呢?不過有可能係我哋諗多咗,因為佢哋都有可能有佢哋自己個煩惱。我記得咁耐好似淨係認識一兩位朋友係今日出世,所以真係好難先會遇到今日出世嘅朋友!

半歲了


個人分享
Tagged With: , , , , , , , , ,

唔經唔覺郭大少已經出咗世六個月,而佢出咗世之後真係無停過,忙到真係上網同睇電話嘅時間都無,用我老婆成日講個句,連廁所都冇得去!雖然係忙,但係最開心嘅就係見到佢一日一日咁長大,同健健康康咁成長。你話自己湊仔唔辛苦就真係呃你嘅,當然無工人同家人幫手嘅情況下仲更加忙多幾百倍。不過細路仔真係大得好鬼快,真係咁就六個月。

三個月


個人分享
Tagged With: , , , , , , , ,

做人父母最開心嘅係啲乜?未就係見住佢開開心心咁成長。其他嘢都已經好似唔係咁重要,因為只要睇到佢每日嘅燦爛笑容就已經好欣慰。雖然生活上有好多改變,而係嚟三個月我可以話將全副心機都放咗係屋企。除咗非必要性嘅嘢,當然好多時都係屋企,否則可以等下嘅就等下,遲啲先處理。無嘢緊要個老婆同個仔。當然有好多無形嘅壓力同好多諗法,不過真係要慢慢嚟,事關真係吃不消!

十二朝

其實所謂嘅「十二朝」就係嬰兒出世嘅第十二日。而根據傳統習俗,所有親朋戚友都要等到「十二朝」之後先可以去探個媽媽同個初生嬰兒。咁點解係十二日呢?我諗真係無人知,不過有一樣嘢肯定嘅就係要等孕婦產後休息多啲。因為一般生產完之後體力都會比較差,而初生嬰兒亦都比較脆弱。所以要應酬一大班人嘅話真係未必頂得順,尤其係頭幾日要捱更抵夜照顧個初生嬰兒。