學啲乜

當然好多人想加入數據分析嘅行業,不過首先要了解一樣好緊要嘅嘢就係啲數據其實係點樣收集,而收集嘅目的係啲乜。另外亦都要了解新嘅技術同限制,因為不同行業有不同嘅要求。而家要做數據分析,最基本嘅工具包括收集網站同手機程式嘅用戶行為 (Google Analytics 同 Firebase),標籤管理(Google Tag Manager),用戶測試同個人化(Google Optimize)同數據圖表化(Google Data Studio)。

點入行

到今日為止,好多人都誤以為做數據分析係要數學好叻。事實當然唔係啦!係市場上有好多所謂嘅課程,其實都無一個特定嘅標準。事關做數據分析嚟行要一眼關七,對唔同嘅行業同範疇都要有一定嘅知識。我可以話連行政總裁都未必有佢哋咁勁。但係有幾多人真係可以十項全能呢?所以好多時我都會講你讀邊科唔係太緊要,最緊要係有觀察力,同鍥而不捨嘅耐力。