一條龍

好多公司都想做到一條龍嘅服務,有啲係因為貪心,有啲係想提供更好嘅服務。而好多客戶都唔想煩,尤其係去管理唔同嘅服務供應商,而且合作開有默契。當然搵一個人好過搵十個人,只不過係唔係所有嘅服務範圍都係佢哋嘅強項。當然有時要衡量好多唔同因素,而大部份嘅公司會注重價錢同質量,所以好多時都要取捨。但係依家環境唔同,所以好多公司都會搵啲專業啲嘅公司去處理唔同嘅服務。

配眼鏡


個人分享
Tagged With: , , , , , , , , ,

過去幾年,有好多日本嚟香港開嘅眼鏡舖。原來好多人去日本都會去配眼鏡,原因係因為可以快速配到眼鏡,而且價錢相當平易近人。當然最緊要嘅係仍然保留日本人堅持嘅品質。當然香港亦都有類似嘅品牌,但係感覺都係好似日本品牌同品質有保證。相信今次換眼鏡都會平平地咁試下,同時亦都想換下造型。始終換嚟換去都差唔多嘅款式,因為始終用幾年唔敢搏!

點報價

相信好多做服務性質嘅公司都經常要報價俾客戶,而好多時除咗報價之外都需要先做一份計劃書。不過好多公司只係因為內部流程需要,要搵幾間公司去報價,所以基本上只係陪跑。辛辛苦苦做嘅計劃書對嗰啲公司嚟講只係一份功課,而有啲甚至乎想要你嘅橋,所以有時做又唔係,唔做又唔係。到最後其實就算你份計劃書做得有幾好,你報嘅價錢係幾平與貴都唔係關鍵。

打保齡

如果你問我邊樣運動我最鍾意嘅話,保齡應該都係其中一樣。最變態嘅時候真係一個星期打兩三日,次次都最少打十局先先至走。由最基本開始打直球到之後打曲球,由租保齡球場嘅裝備到有自己嘅裝備。真係要鍾意嚟項運動先至會買一個屬於自己嘅保齡球,甚至每次打波都要拎嚟拎去。除非租用保齡球場嘅儲物櫃暫存啲裝備咁就唔需要次次都拎返屋企,因為都真係幾重!

玩具車

相信好多男仔細個嘅時候都會擁有過鐵皮車,當然大家唔會只係得一架咁大把啦。鐵皮車通常都係細細架,大約七八厘米長左右。而價錢方面當然有平同有貴,分別在於架車仔嘅像真度,油漆嘅質量,等等。不過每架鐵皮車都應該會有同樣嘅特徵,包括甩油,窗門爆裂,啲轆無咗或者爛咗,等等。就係因為嚟啲咁嘅戰績,往往就會令到架車變成獨一無二!