點俾錢

「手機」

如果大家認為手機俾錢係啲乜嘢新科技其實好多年前已經有,只不過仲未係非常普及。其實點解香港嘅八達通可以取代咗咁多嘅付款模式?好簡單,因為大家再唔使袋住啲散紙,快捷方便,而大部份嘅公共交通以及商戶都支持。所以八達通先至會變成香港人生活不可缺少嘅一部份。當然唔係個個香港人都會用蘋果出嘅電話,但係點解咁多銀行機構同商戶都支持呢?

大騙案

如果大家仲記得好幾個月前我曾經講述一宗香港公司係網上集資,而且勇奪「香港資訊及通訊科技獎-全年大獎」嘅智能咖啡機。點解又再講?事關過去咁多個月佢哋嘅創辦人一直話如果十月出唔到貨就會退錢俾之前曾經俾咗錢支持佢哋生產部咖啡機嘅人。但係到咗十月啦,部機仲未見到影,而家仲要話如果要退款,你只可能退得部分嘅錢,事關你幾錢有部份已經用咗。