新思維

究竟 Google Analytics 2.0 係指啲乜?其實最大嘅分別就係將網站同手機程式結合,等企業可以無縫咁了解用戶係唔同嘅平台之間點樣游走。不過有一個關鍵位就係註冊用戶同非註冊用戶。如果係註冊用戶,咁就好容易透過佢哋嘅用戶號碼去將線下,手機同線上嘅行為連貫起嚟。而記錄嘅係每一個用戶同平台嘅互動而唔係傳統嘅訪問次數,瀏覽時間,睇過嘅訊息。因為嗰啲訊息係已經再無執行價值亦都好難好快咁提高銷售!

要轉型


個人分享
Tagged With: , , , , , , , , ,

以前係大公司都會幫好多唔同嘅企業轉型,而最大嘅問題都係歷史遺留落嚟嘅問題。通常遇到最大嘅問題係人,因為好多時都想一動不如一靜。唔變好過變,但係死守只會慢慢步向沒落。其實好多大企業都係有咁嘅情況,而轉型嘅時候有時真係好睇邊個負責去主導整個計劃。如果無辦法將過去嘅包袱放低,將所有嘢移平重新嚟過同將內部問題解決嘅話,失敗嘅機率真係好高。

人才荒

之前好多人講香港可落後,事實上真係幾落後,因為過去咁多年大家都係為生活而搵錢,做資訊科技嘅機會同出路比起外國真係一個天一個地。十幾年前嘅人工其實到今時今日都係一樣,咁證明企業本身就唔重視嚟類嘅人才,所以無發展嘅空間。要加人工就得一個選擇就係跳嚟跳去,如果唔係好多時經濟唔好,企業第一件事係由資訊科技有關嘅部門開刀。過去咁多年都見唔少。

第五年

「五年」

唔經唔覺,公司已經做咗四年幾。時間過得好快。做到嚟一刻,開心嘅係慢慢見到香港多咗企業講數據,而市場亦慢慢多咗嚟類嘅工作。每年都希望做得更好,但係一直無乜大改變。起起跌跌已經係好平常事。就到五年啦,跟住點好?我諗真係要停一停諗一諗,再從整策略再戰江湖。