開島了

諗咗好耐,究竟好唔好開島呢?因為真係好多嘢做,但係一個二個都玩,最後都係決定開島。最終都係敵不過社交媒體嘅洗版。不過問題係究竟大家會玩幾耐呢?因為我玩遊戲都玩到好盡,一定要玩到冇嘢玩我先至會叫做玩完。所以一啲要長時間上網同浪費時間嘅遊戲我都好少玩。最後就快嚟快去,因為真係無咁多時間。當然希望大家唔好因為淨係疫情先至玩,不過香港就係咁,一係唔玩,一係就一窩蜂咁玩。

任天堂

真係好耐無聽過咁多人玩遊戲機,而任天堂嘅 Switch 相信係近年嘅大熱。主要嘅原因係佢方便!係屋企接駁電視又得,拎出街又得,幾部機對打又得,最重要啲遊戲都唔差。佢個手掣亦都係另外一個亮點,因為好似當年 Wii 咁,真係幾特別。當然手機遊戲依然係大行其道,但係始終同傳統遊戲機有分別。而為咗針對唔同群組,任天堂亦都推出平版嘅遊戲主機,當然賣點同電話一樣就係顏色。

瑪利奧

相信好多人都一定玩過『超級瑪利奧兄弟』嚟隻遊戲。仲記得最初嚟隻遊戲係任天堂嘅紅白機上首先出現。嗰陣時雖然畫面無而家咁靚,但係就好好玩。你以為好似好簡單,但係其實係要好有技巧。甚至到咗今時今日,嚟隻唔單止係一隻經典遊戲咁簡單,因為其實仲有好多人玩緊呢隻遊戲。係歷史上亦係電子遊戲系列中銷量最多嘅遊戲。我諗到嗰仔大咗都仲係玩緊佢!