聽音樂

今時今日聽音樂真係好簡單,唔似以前我哋細個嘅年代用卡式機,要逐首逐首咁樣去錄一盒自己鍾意聽嘅歌。而且仲要計下一面錄唔錄得晒,將盒帶用到盡。當然之後科技日新月異,而今日要聽歌真係好容易,只要你有部手機可以上到網就得。另外就係俾錢一啲唔同嘅平台去聽音樂。當然你亦可以選擇下載到手機入面,就算無咗網絡都唔怕。其實真係唔係好多國家有所謂嘅無限上網嘅服務!

平台化

係嚟個年代,社交媒體好似係每個人生活嘅一部份。而有啲社交平台慢慢開始成長同變得獨當一面,而正因為咁,好多嘢就要去平衡同規管,如果唔係就會出現好多其他不同嘅問題。但係有時嚟啲平台變得強勢,以為社會無咗佢哋唔得,如果要用佢哋嘅平台,就請乖乖地咁遵守佢哋嘅遊戲規則。最慘嘅係佢哋先至係話事人,有時你都唔知發生乜嘢事就無啦啦俾人踢咗出局,真係躺著也中槍。