搶購潮


個人分享
Tagged With: , , , , , , , , ,

如果你以為淨係香港人先至會搶物資嘅話,咁就真係大錯特錯了!近日基本上都有海外嘅朋友話超級市場啲嘢俾人買晒,尤其係廁紙。唔知以為自己睇緊喪屍片,啲人係咁瘋狂買,就咁睇啲相,佢哋搶嘢嘅程度遠遠超過香港。不過真係唔明點解係廁紙呢?柴米油鹽我都或者明,但係廁紙就諗極都唔明。不過最起碼而家香港淨係得口罩依然短缺,希望疫情快啲過啦

再進化


個人分享
Tagged With: , , , , , , , , ,

人工智能嘅一個盲點就係需要人類嘅智慧作為基礎,然後透過不斷自我學習同優化而不斷進步。但係如果人工智能好似一個初生嬰兒咁,要從一張白紙學識人類窮一生先至學到嘅嘢,究竟需要幾耐?恐怕個答案會好驚人。到最後其實人工智能再唔需要人類嘅智慧就已經可以不斷進化,而亦都因為咁人工智能係有必要被規管。如果有一日人工智能失控嘅話,後果真係可以非常嚴重。

誰怕誰


個人分享
Tagged With: , , , , , , , , ,

正當好多人討論人工智能嘅發展嘅時候,當然有支持亦都有反對嘅聲音。人工智能基本上係將人類嘅智慧數碼化,再運用程式去不斷學習,然後再作出最好嘅決定。而另外一樣嘢就係要靠硬件去同人互動,例如機械人。其實大家最怕嘅應該因為電腦係二十四小時唔使休息,有無限嘅資訊同記憶,所以如果有人利用咁強大嘅智慧去破壞社會安寧嘅話,其實真係同好多電影橋段無分別。

被歧視


個人分享
Tagged With: , , , , , , , , ,

係世界上有好多人都會被歧視,甚至乎有啲人只係對某些事同物得一知半解嘅時候,就已經作出批評。就例如你係外國見到一個好似香港人,你想問路嘅時候,你會用廣東話定係英文?其實好多外國人都覺得黃皮膚就係華人,但係佢哋冇諗過嗰啲人有可能係移居當地多年華人嘅後代。而事實係到咗今時今日仲有好多唔同種類嘅歧視行為發生係我哋嘅社會入面,雖然有啲時候牽涉到一啲敏感問題,但係我哋係唔係應該尊重唔同背景嘅人呢?

氣候變


個人分享
Tagged With: , , , , , , , , ,

嚟兩日睇到關於能源同地球暖化嘅影片,其實過去咁多年大家都不斷聽到地球暖化,人類不斷消耗地球嘅資源,不斷破壞自然生態,等等嘅訊息。而當然好多人都不以為意究竟我哋生活緊嘅地球係過去咁多年有啲乜嘢嘅轉變,而更加有好多人質疑甚至否定地球暖化嚟個理論。不論佢哋嘅出發點係啲乜嘢,我哋亦都唔可以否定近年嘅極端天氣,以及人類對大自然嘅傷害。