五十六

無問過時間真係會快到咁,因為過咗唔知邊個歲數,我哋再無同郭大少慶祝二十七號。而家大多數都係幫妹妹慶祝,所以今日想佢開心吓就買咗個蛋糕俾佢。不過因為疫情,已經有好長時間無返學,真係足足兩個幾月。復課無期,一個星期得兩堂網上課程,所有其他嘅活動都取消晒。其實最擔心嘅都係今年開始考小學,而無學返真係好驚影響到佢嘅學習。今年餘下嘅學期都真係凍過水!