五十九

我諗今個月最開心嘅就係迪士尼開返!因為又可以唔駛諗同佢去邊放電。當然依家要預早七日訂位,不過好彩係佢開返嘅第一個星期六已經可以去到。真係整整五個月無去過,而感覺好似第一次去咁見到啲新嘢都會話嚟啲之前無㗎喎!除此之外,今個月真係唔記得去咗幾多次海灘,真係一好天同有時間都會去,因為真係唔知同佢可以做乜。之前諗住佢大個咗可以試過去行街,但係到最後都係搵自己嚟搞。有話攰,又話悶,真係激死!