五十七

唔知係唔係因為疫情嘅關係,今個月覺得過得好快。好似啱啱寫完郭大少上個月嘅嘢,而家又剛剛一個月。每日依然宅係屋企,唔知今年仲有冇機會返學。學校只係有三日每次大約三十分鐘嘅網上課程,其他都係網上短片同每個星期去學校拎功課。當然進度一定同返學無得比,而最緊要當然係唔好影響到小一面試啦。今個月亦都去咗影學生相,小朋友真係大得好快,過多三個月就五歲了!