十年了


個人分享
Tagged With: , , , , , , , , ,

不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。

大連市


個人分享
Tagged With: , , , , , , , , ,

唔知有幾多人知道大連市係邊,最起碼十幾年前我真係連嗰名都未聽過。只係因為澳洲舊老細話有個位係大連,要一個人去管理一個新嘅團隊,所以就有前無後咁應承咗佢去大連。原本諗住只係去兩年攞經驗,點知一去就五年,不過亦都係事業發展得最快嘅五年。唔經唔覺真係離開咗近十年,一直都無機會再返去。事關都真係幾遠,而每一都只係得一班機係香港飛大連。

一團火

「成功」

其實要成功,好多時都係靠心入面嘅一團火。尤其係後生嘅時候,胸懷大志想闖一番事業嘅時候,個團火真係唔可以講笑。不過好多時嚟團火會慢慢咁熄滅,而原因可以有好多。而其中一個好大嘅原因係年紀嘅問題,事關慢慢人大咗,包袱大咗,諗嘅嘢多咗。所以點解建議大家趁後生去創業,就係因為無包袱,一張白紙,敢作敢為!

又年尾


個人分享
Tagged With: , , , , , , , , ,

今年工作方面就話好唔好,話差唔差,只不過仲未打開到一個缺口可以突圍而出。幾經辛苦先至可以話開展培訓方面嘅業務,但係仲係一個好初步嘅階段。而五年過去,將會係點?真係唔知!唔知係應該守,定係應該係時候再博一博。不過點都好,係時候諗下其他市場,繼續咁浪費精力同時間唔係辦法。希望明年可以有啲起色。雖然未死得,但係都係得返半條人命。

帶唔走


個人分享
Tagged With: , , , , , , , , ,

大部份嘅人都會都會窮一生嘅精力去追求主流社會所謂嘅價值同觀念,而當有人逆水行舟,背道而馳嘅時候都會被世俗人嘅眼光所鄙視。但係人生嘅意義係乜嘢呢?正如佛家有句話「萬般帶不走,唯有業隨身」就係指人係生命死結束之後,係乜嘢都帶唔走!不論你幾努力打拼一生嘅成事業,財富,再美好嘅家庭,你都係帶唔走!唯一跟著你嘅,就係自己曾經造過嘅業!