慶中秋


個人分享
Tagged With: , , , , , , , , ,

今年真係好似無乜嘢過中秋嘅心情,雖然係自己嘅農曆生日,但係諗起以前細個同屋企人過中秋,心情又再一次低落。前嗰排先至講緊中秋節去邊度做節,真係無諗過今年會少咗爺爺同我哋一齊過。其實有時唔知點解會記得以前細個時候嘅嘢,因為真係好細個,應該係無乜記憶,但係就記得大家會上屋企嘅天台慶祝,玩燈籠。或者開心嘅嘢真係會記得一世,就算幾細個都好!

玩燈籠


個人分享
Tagged With: , , , , , , , , ,

本來今個中秋節話會打大風,老實講近年嘅中秋節真係好反常,唔單止好熱,依家分分鐘仲會話打風。當然大家無得賞月就自然覺得有啲掃興,不過好彩個風打唔正,仲見到月亮。本來諗住同郭大少去完太爺太嫲屋企食完飯之後去維園睇花燈,不過真係好多人,又迫又熱。老婆話記住以後每年互相提大家大時大節唔好再去人多擠迫嘅地方。因為人大咗真係好怕人多嘅地方!

螢光棒

螢光棒入面係含有雙氧水,苯基草酸酯同螢光染料,我哋只要屈曲螢光棒再令到螢光棒入面裝有化合物嘅玻璃管斷開,當各種化合物及染料混和之後就會有發光嘅效果。早係二零一四年,其實已經有報告指出螢光棒入面嘅物質大多數係苯二甲酸二甲酯同苯二甲酸二丁酯。一旦洩漏就有機會引致吸入性中毒,皮膚接觸性中毒及誤食性中毒。小朋友接觸到嘅話,更有機會出現頭暈,麻痺同昏迷嘅狀況。

中秋節


個人分享
Tagged With: , , , , , , , , ,

當然中秋節有好多唔同嘅傳說,係中國神話中就有月兔。而月兔就係月宮陪伴嫦娥搗藥,不過係在日本同韓國,月兔就係月球到整麻糬。所以每年嘅中秋節都會見到好多同兔仔有關嘅產品,包括好多細路仔鍾意玩嘅燈籠!至於嫦娥奔月呢個民間傳說係講嫦娥偷吃仙藥飛上月球,自此同丈夫后羿天地相隔嘅故事。中秋節亦因為嫦娥奔月嚟個民間傳說而嚟。

買月餅


個人分享
Tagged With: , , , , , , , , ,

每年就嚟到中秋節,好多人都會買月餅。而依家啲月餅真係五花八門!除咗傳統嘅月餅,依家有冰皮月餅,雪糕月餅,奶皇月餅,流心月餅等等。不過最記得嘅就係細細個,每年到咗中秋節嘅時侯都好想食月餅,尤其係啲蓮蓉。因為甜嘢嘛!係細路都鍾意食甜嘢架啦。不過都係到咗大個先知識得欣賞啲蛋黃,尤其係起晒油嗰啲。無論係點,每年都希望至少買盒傳統月餅返屋企過節!