不變的

好多人話經過咁多年,大家只係用同一種方式去爭取,用同一種方法去平反,其實都係冇用。當然方法係可以改變,但係承傳就更加緊要。歷史係用文字去記錄發生咗嘅事同物,等下一代係歷史當中了解人類嘅成與敗。但係當一個國家意圖或企圖篡改歷史,否認歷史,打壓尋求真相嘅人,咁就算國家有幾強大幾發達都好,永遠都會有一個歷史污點,永不磨滅。

失自由

香港係唔係開始步入「一國一制」嘅年代?所謂嘅五十年不變嘅承諾,而家連一半都未過就已經蕩然無存?因為過去近一年嘅社會風波,因為一個無能嘅特首,搞到依家要中國出手,老實講問題源頭都係因為林鄭!真係多得佢唔少,佢嘅破壞力真係勁過梁振英!香港都真係多得佢唔少,因為而家變咗做夾心餅,淪為世界嘅政治籌碼,何必呢?

寫唔寫

如果有睇到今日特首點樣回應《國安法》嘅話,其實應該都預咗佢會講乜嘢廢話。基本上《基本法》附件三係一個後門,任何時候其實都可以隨時將中國法律加入附件三。咁當然《國安法》所涵蓋嘅範圍實在太廣同太闊,咁究竟自己仲寫唔寫有關自己嘅睇法同政治相關嘅嘢好呢?當然出得文或多或少都會預咗,只不過今次咁強硬,可見佢哋淨係擔心社會運動繼續落去嘅話係會出事。

香港製


個人分享
Tagged With: , , , , , , , , ,

如果你見到香港製造嘅產品你會有乜嘢感覺?依家經常見到嘅都係中國,印尼,越南,等等一啲新興嘅國家。當然中國嘅人工同成本都越嚟越貴,所以好多公司亦都會係其他國家開設廠房。相信今次嘅疫情大家都會再一次意識到本地製造嘅重要性。就好似口罩咁,就算幾缺貨都好,唔使再依賴其他國家入口,自家製。當然香港地少人多,唔係樣樣嘢都可以自給自足。

低端人


個人分享
Tagged With: , , , , , , , , ,

北京低端人口亦稱為北京低端勞動力,通常指生活係北京嘅低收入,低學歷,從事低端產業嘅人。低端人口嚟個詞語係北京市政府嘅文件中多次出現,亦係媒體及學者中廣泛使用。只不過因為涉嫌歧視嘅成份而引發爭議!其實每個地方都會有人係生活係貧窮線下,而亦都因為社會有階級之分,所以導致唔同階層嘅人有唔同嘅待遇。但係又無必要將所謂嘅低端人口趕盡殺絕呢?