一條龍

好多公司都想做到一條龍嘅服務,有啲係因為貪心,有啲係想提供更好嘅服務。而好多客戶都唔想煩,尤其係去管理唔同嘅服務供應商,而且合作開有默契。當然搵一個人好過搵十個人,只不過係唔係所有嘅服務範圍都係佢哋嘅強項。當然有時要衡量好多唔同因素,而大部份嘅公司會注重價錢同質量,所以好多時都要取捨。但係依家環境唔同,所以好多公司都會搵啲專業啲嘅公司去處理唔同嘅服務。

要專注

「專注」

細個做嘢嘅時候,好多時都想學多啲,試多啲,樣樣都想做,無乜焦點。好多時係因為環境而去做,唔會話齋做一樣嘢。當開始做 Beehive Strategy 嘅時候,目標好清晰,就係要做好一樣嘢。嗰樣就係數據分析。其實就係知道自己經常唔專注做一樣嘢所以要同所有人講我淨係做數據分析。雖然個範圍都幾大,但係都起碼唔會俾其它無關嘅嘢而影響到。