為什麼


個人分享
Tagged With: , , , , , , , , ,

「人類」

人類其實係好自私!當然或者你同我都唔覺,事關大家都會覺得所有嘢都係理所當然。只不過我哋每一日嘅日常生活都係取自地球嘅資源,而且有啲資源係會有用完嘅一日。雖然現今科技發達,但係好多生物都面臨絕種!原因係因為我哋人類不斷令到好多野生動物無辦法正常生活。而當大家認為嗰啲動物威脅自己嘅時候就選擇去奪取佢哋嘅生命!其實佢哋做錯咗啲乜呢?

「自私」

近日全球藝術家都畫咗一幅母象!點解?事緣係上一個月有一隻野生嘅母象,由於棲息地環境變得極度惡劣,而且無辦法搵到足夠嘅食物,因此就去到人類嘅村莊附近搵嘢食。只不過人類就為佢準備咗一份禮物,一個菠蘿。一個收埋咗炸藥嘅菠蘿!而爆炸帶嚟嘅痛楚令佢無法忍受,最终母象跑到去河水嘅中央,等自己嘅口同鼻浸入河水,一直郁都唔郁,就咁企咗係嗰度。但係最終佢都係不幸咁離世!

「剝奪」

你會問點解會有人咁殘忍去對代一隻大笨象?而最令人憤怒嘅係經過解剖之後發現佢肚入面懷有胎兒!點解人類要趕盡殺絕?點解人類唔明白其實係我哋剝奪動物嘅生命?如果生態唔平衡嘅話,好多嘢都會失常。就好似北極熊咁,因為全球暖化所以無浮冰去覓食。而全球嘅蜜蜂數量亦都急速減少,而問題係會影響人類嘅食物鏈!所以大家係唔係都要諗下點樣可以保護我哋嘅環境呢?