拍廣告


個人分享
Tagged With: , , , , , , , , ,

「影相」

好似真係好耐無影過相。因為而家實在太方便,所以大多數都係拎住部手機影。當然影完好多時都只會留咗係部手機入面,連執相都懶得執。不過今日有幸去拍廣告,所以幫手影啲相,希望自己無生疏。當然都會擔心影唔影到想要嘅嘢,所以係唔係都影咗先。不過都係一如以往,影完一大堆相,之後基本上得返三份之一要得,然後再篩選同執相嘅話就應該得返十份之一左右。

「拍攝」

究竟幾耐無拍過嘢?我諗都真係有十幾廿年。對於一個坐唔定嘅人真係唔鍾意做一啲一板一眼,重複又重複嘅嘢。而自己鍾意設計,所以當年自己想做設計師。點知做做下竟然去咗做數據分析,一個雖然好重複嘅工作,但係因為做顧問嘅工作,所以最起碼唔會對住同一個行業,都叫做日日都有啲唔同,唔係做死同一樣嘢。不過今日再次去跟拍廣告,同時影一幕後花絮,當年嘅感覺又返嚟。

「廣告」

其實由度橋開始到拍攝一啲都唔簡單,好多嘢要準備,而拍攝都唔係最考功夫嘅一個環節。當然有時寧願拍多好過拍少,因為基本上唔會再拍過。當然導演嘅經驗係需要十分之豐富,就算有晒稿都好,好多嘢都係當日先至知道點樣處理。而事後剪接嘅部份就係將所有嘢串連起嚟。出嚟嘅製成品往往都可能只係十幾秒至一分鐘左右。一個廣告嘅成敗,就係你會由頭到尾睇完都一次,而且記得廣告入面嘅訊息。