無助感


個人分享
Tagged With: , , , , , , , , ,

「無助」

當你無助嘅時候會點?有時真係有太多問題需要解決,只係無論你幾努力都好,問題不斷重複。有時真係好攰,究竟幾時先至可以安定落嚟。當然有時會問自己究竟為咗啲乜嘢要搞到咁辛苦。如果當日無做咁嘅決定,今日又會唔會有咁嘅問題出現?當然好多嘢無得返轉頭,而當日做嘅決定亦都係基於當時嘅狀況。或者自己太過樂觀,有或者無諗過環境可以變得咁快?而因為當日一個既決定,真係虧欠太多人。

「放低」

如果你覺得無助嘅時候會點?會不斷諗辦法解決?搵朋友傾偈?定係摺埋專心做好要做嘅嘢?當有問題出現嘅時候,其實真係好難專心做嘢。當你以為問題解決咗,但係往往又出現更多嘅問題。當然人生就係咁。所以平凡是福,真係講得無錯。做人有時真係唔好要求太多,放開一啲事物或者真係會開心啲。但係真係可以話放低就放低?如果真係可以嘅話我都想可以咁容易。

「雞蛋」

好多時都係雞同雞蛋嘅問題,好多嘢係需要時間同空間去做,但係往往就有好多問題要處理,因而要浪費好多時間去處理一啲毫無價值嘅問題。當然從另外一面睇,就因為一個決定同無法預計嘅情況,導致問題不斷出現。本來以為問題可以好快就可以解決,只係世事難料,只可以怪責自己。究竟仲可以堅持到幾時?除咗覺得無助之外,真係諗唔到點樣去形容現狀。