「問題」
做數據分析通常第一件事就係發現會有好多唔同嘅數據係唔同嘅部門，唔同嘅格式，同唔同嘅數據庫。而大家嘅關連性係可有可無，只係有無一條鎖匙可以將原本無關連性嘅資料串連起嚟。咁就可以將比較單面嘅訊息立體化。當然要全面了解客戶行為係冇可能嘅事，但係最起碼將客戶已經提供嘅資料整合，之後就有機會搵到一啲新嘅資訊幫到自己嘅業務。
「串連」
當然我哋係無辦法預測客戶嘅行為，所以只係可以盡可能咁預測同計劃點樣收集數據，令到我哋可以知道最多嘅資訊。不論你有幾多網站，幾多推廣同銷售渠道，其實都係可以將客戶嘅資訊串連起嚟。最緊要當然係先將一啲必要嘅訊息加密，例如電郵，名稱同電話號碼。然後再加一個獨特嘅識別碼，咁樣就可以將大家以為串連唔到嘅訊息連貫起嚟。
「計劃」
好多時客戶都會講有啲客戶資料收集唔到，又或者因為有好多網站所以導致啲數據斷開一截截，而無辦法知道整個客戶嘅行為同流程。其實只要善用收集數據嘅平台，以及配合網站同手機程式，其實無嘢係無可能。通常問題係到大家想睇同分析數據嘅時候先至醒覺，咁當然就已經太遲啦。所以想收集有用嘅數據，要將數據串連一齊係應該一早要做而且要有一個相當全面嘅計劃。
