「努力」
世界上邊度有嘢係不勞而獲？真係乜嘢都唔需要付出就可以有回報？有時有啲嘢你睇落好容易，但係到你自己做嘅時候其實真係一啲都唔容易。台上一分鐘，台下十年功，真係唔係講笑。好多人只係睇到別人嘅成功，但係就忽略咗佢哋曾經所付出過嘅努力。究竟佢失敗咗幾多次？究竟佢點樣先至成功？其實真係唔係英雄莫問出處，每個人背後都有一段嘅辛酸史。
「成功」
當然唔係每個人都會有人去主動咁噓寒問暖！有啲人默默耕耘，所付出嘅努力無人知，自己不斷做，不斷試，直至成功。當然年輕嘅時候真係可以不眠不休咁去為一件事不斷去嘗試，直到成功為止。但係人大咗，時間少咗，相對係更加困難。當然社會係殘酷，因為無人會關心你嘅失敗，所以往往只係關注別人嘅成功。其實如果有人肯分享自己嘅失敗係比起成功更加緊要！
「失敗」
當然忠言逆耳，無人係想聽反話。因為某程度上都會比較負面，有時甚至乎影響心理質素。所以人係想聽多啲讚美嘅說話，只不過亦都因為別人嘅虛偽，導致好多人自我感覺良好。有人同你講出問題係一種幸福，所以唔好將佢當成負能量，因為過咗一段時間，慢慢就會知道當初別人批評嘅嘢原來先至係最幫到你嘅聲音。當然長時間處於負能量嘅狀態未必係一件好事，所以自己嘅心理質素係好緊要，一個唔覺意就可以好嚴重。
