設計學


個人分享
Tagged With: , , , , , , , , ,

「思維」

大家近年有無聽過設計思維?其實唔係一啲乜嘢新穎嘅方法,只係將做設計嘅過程同思考方法套用係其他層面。就正如數據分析一樣,我哋每日做嘅嘢其實同設計思維都有啲相似。當然分分鐘數據分析嘅步驟會更加多,只不過都係大同小異。設計思維嘅五部曲包括,同理心,定義問題,形塑創意,製作原型,測試階段。當然透過設計思維係希望打破現時嘅框架,用另外一個角度去諗同解決問題!

「數據」

其實究竟點樣將設計思維融入數據分析?佢哋嘅共通點都係希望用另外一個角度去解決問題。當然首先係要了解同觀察現況係點,然後搵出問題所在同點樣去解決問題。當然收集數據需要好多嘢嘅配合,但係有好多唔同嘅方法。就算一個數字都有好多唔同嘅解讀方法,然後去訂製分析模型。當然最後就係測試模型嘅可行性同準確性。搵出解決方案然後又再不斷重複,咁就可以不斷進步。

「設計」

雖然設計係有好多唔同嘅層面,好多時都會牽涉到用戶體驗,同介面體驗。要知道邊個解決方案可行就一定要透過無數次嘅測試。老實講,每次幫客人設計點樣收集數據都好考功夫,唔係上網學完就覺得自己識得點樣搞。因為好多時都要諗得多啲,就算做得幾熟都好,永遠都有啲奇特嘅狀況,真係無一個通用嘅格式。所以要認真收集數據,事前真係要設計清楚究竟係邊度收集,點樣收集,同收集咗嘅數據用嚟做啲乜。如果唔係到頭來做完等於無做。