畫彩虹


個人分享
Tagged With: , , , , , , , , ,

「彩虹」

細細個都希望見到彩虹,我哋細個學彩虹有乜嘢嘅顏色都係,「紅橙黃綠青藍紫」。畫畫嘅時候都會將啲顏色筆排成彩虹咁。當然細個嘅時候亦都有聽過彩虹嘅盡頭會箱黃金。不過大個咗之後就知道係無可能去到彩虹嘅盡頭,因為彩虹係太陽光線穿過雨點之後折射出嘅現象。當然對於好多人彩虹有唔同嘅意思,但係一個無可否定嘅係,大家見到彩虹到會講,「你睇,有彩虹呀!」。

「天晴」

雨過天晴,每次落完雨或者落緊雨,當一見到有太陽嘅時候,不自覺咁都會望吓有無機會見到彩虹。當然見到彩虹係一件幸運嘅事,而見到雙彩虹係超級幸運,而見到彩虹嘅盡頭就真係難上加難。人生總有唔開心嘅日子,難過嘅日子,只不過當時亦有開心同盼望美好嘅日子。就好似彩虹咁,再難捱嘅日子一定會完結,只要相信雨過會天晴,亦都有機會見到彩虹嘅話,就唔會難過。

「十年」

當然做生意有起有跌,世事好難預料,有時好,有時壞,再加上突如其來嘅變數,無人知會唔會係彩虹盡頭嘅嗰箱黃金。堅持係好難,放棄亦都容易,不進則退,退一步海濶天空。有時太過專注亦都有可能忽略大環境,所以時不時都要跳出去睇睇個世界,唔好固步自封。有時真係需要多啲時間去計劃下一個十年,因為原來十年真係過得太快,真係唔知做咗啲乜。