中伏了


個人分享
Tagged With: , , , , , , , , ,

「資助」

其實之前都有好多人討論過嚟個問題,大家大鑼大鼓咁去申請政府嘅基金或者自助。其實真係無想中咁易!要搵政府錢真係只會浪費時間。就好似「遙距營商計劃」,大家都一窩蜂咁去申請,好多公司急急咁申請做認證供應商,搞完就忙於吸客,忙出報價,仲要個客搵其他公司報價。個個都諗就算唔申請晒三十萬都起碼申請做一個十萬嘅項目啦,但係搞完而家點?

「中伏」

香港就係有一種風氣,就係唔好執輸。政府一話推出資助,個個一窩蜂咁去申請,點知好多人都中伏。點解?因為原本嘅快速批核因為真係好多人申請,所以最後都無辦法做到,甚至乎叫啲人可以做咗先,但係如果唔批就要承擔風險。咁當然唔會無啦啦有人會俾咗錢去做先。另外所謂百分百全額資助亦都無咗影,因為最近有中小企獲批核申請,但係就不似預期,獲批核嘅金額平均只係得兩成。真係中晒伏!

「結局」

當初其實都有諗過申請做認證供應商,但係睇完要提交嘅嘢就已經放棄咗。之後開始申請都已經有好多人問可唔可以幫手申請同報價。當然都忙咗一輪,之後個個都靜晒,等回覆。本來大家覺得可以幫到業界,點知最後都係得個吉。真係想知道最後點收科,如果個個項目都係批得個少少,相信好多中小企都應該選擇唔做。到頭來究竟有無幫到中小企?或者真係買部電腦無咁嬲!