下一代

「成功」

其實相信好多人都會察覺到,好多成功嘅人得兩個特質,一種係天才基本上無辦法去做比較,另外一種就係讀書麻麻地但係因為環境而不斷改變,不斷學習,不斷解決問題嘅人。未來嘅世界再唔係只係死背書,考試攞高分就得,好多時我哋都會話高分低能嘅原因係,嗰批讀書好叻嘅人,往往只係讀書叻,但係做人處事其實好多時係職場都表現一般。原因係所有嘢都只係按本子做事,唔識變通同解決問題。

「教育」

究竟返學係為啲乜?究竟教育係為啲乜?究竟做功課為啲乜?究竟考試為啲乜?究竟我哋想下一代做啲乜?點解而家係香港返學好似犯法咁,返學要俾警察查,讀書只可以照住本書讀,老師變成錄音機無私人空間,考試唔係用嚟評核學生能力。咁我哋下一代讀書為咗啲乜?返學應該係人生最開心最無憂嘅時候,而我哋未來需要嘅唔係填鴨式教育,而係有能力去解決社會問題嘅下一代。

「讀書」

讀書其實係為咗增進知識,希望透過知識去解決問題。我經常性問一條好簡單嘅問題就係點解我哋要讀一啲淨係讀書時期先至會讀同做嘅數學題?除咗一啲專業人士之外,其實大家學數學為咗啲乜嘢?到最後好多時都真係加減乘除就已經攪掂。但係數學嘅根本就係邏輯性思考。係希望透過數學去有系統性咁解佢問題。所以到最後只係不斷重複咁做,而唔理解點解要做。就好似機械人一樣,只係複製再複製。當然香港現時嘅教育制度就正正反映嚟個問題。