六一二


個人分享
Tagged With: , , , , , , , , ,

「常態」

因為乜嘢原因搞到香港今日咁亂?一年前嘅今日,香港將經歷咗無數嘅催淚彈,橡膠子彈同布袋彈。亦都因為一條逃犯條例搞到香港爆發大規模嘅示威,同時警方使用過份武力去驅趕示威者,引致大規模嘅衝突。最離譜嘅就係當日嘅衝突一度被政府定性為「暴動」,民怨爆發再觸發其後嘅大遊行。一年過去,無數嘅衝突,無數人被捕,無數嘅不公平,不公義嘅事情依然不斷發生。

「一年」

六一二,一個改寫香港嘅一個日子。催淚彈已經變成家常便飯,警察嘅暴力亦都已變成常態。接二連三嘅打壓,無助修補社會撕裂,反而加深矛盾。原本一個本土問題亦都變成國際問題,令到香港淪為國際政治角力嘅籌碼。歸根究底,都係因為一個人,一個唔輸得嘅人。究竟過去一年香港人聽咗幾多次廢話?相信十隻手指都數唔晒。就係因為咁,一年過去,大家仍然堅持守衛自己嘅家!

「日子」

大家依家除咗記住人生嘅大日子同節日之外,仲要記得過去一年每一個不公義同不公平嘅日子。每一件事件都令人匪夷所思,而最重要嘅係除咗大事件之外,每一日其實都發生緊一啲被定性為無可疑,無疑點同無法解釋嘅事件。是非黑白基本上完全顛倒!香港人當然睇得清,睇得透,只係政府繼續視而不見。雖然香港人係善忘,但係無可能唔記得過去一年所發生嘅事情大家依然為自己嘅將來去捍衛自己同下一代。