收數佬

「收數」

做數據分析就好似收數佬咁要用盡方法去收數。最怕就係收到啲收唔到啲,因為如果唔係就無辦法反應實際情況。除咗要了解收集數據嘅平台之外,其實好多時都需要少少技術嘅知識。所以用十八般武藝去形容,其實一啲都無誇張!所以要有效咁收集數據係要宏觀去睇,無可能只係專注一點。因為要將數據有效串連一齊係需要一條鎖匙,如果唔係就會分開一節節!

「收集」

要全面了解用戶行為真係唔係大家諗得咁易,其實真係需要一個周全嘅計劃,而且要將唔同嘅情況考慮在內。除咗要配合市場推廣之外,其實有一樣更加重要嘅工作就係配合網站設計,編碼同流程,而且仲要考慮同推算會唔會出現估唔到用戶嘅行為。希望將可發生同會發生嘅事情都盡量覆蓋同收集。如果只係簡單收集數據,基本上無可能回答到任何問題,因為啲數據根本一開始就錯!

「問題」

其實最頭痛嘅通常都係收集一個推廣項目嘅用戶數據,事關通常會有好多唔同嘅持份者參與。最大嘅痛點通常都係技術層面,好多時唔係你唔想收集數據,而係網站嘅編寫模式,又或者係第三方嘅平台所導致。當然大部份時間可以有解決辦法,只不過要幾耐,複唔複雜,值唔值得。有時都真係無辦法,唯有放棄某啲數據。所以真係唔好以為收數佬好易做!