錯時機


個人分享
Tagged With: , , , , , , , , ,

「生意」

做生意好多時候都係要睇時機,就好似以前珍珠奶茶,好多人見到好多人飲,之後就開到一街都係,但係市場係會飽和。所以通常賺到錢嘅都係第一水開舖嘅人,之後所謂嘅加盟店其實相對嘅賺錢能力會低咗。所以好多時做生意都真係好睇時機,因為如果錯過咗機會嘅話,分分鐘最後蝕錢收場。就好似好多人因為今年嘅亦稱而去投資開廠做口罩。

「時機」

因為年初武漢肺炎嘅關係,亦都因為咁啱遇著農曆新年,所以導致全球嘅口罩短缺,甚至乎好多國家之後要禁止出口。好多人見到咁嘅情況就開始去搵生產口罩嘅機器同原材料,希望除咗可以本地生產口罩之外,亦都可以賣俾其他國家。當然做生意嘅就當然希望賺錢,最起碼唔好蝕錢先。但係而家口罩嘅供應已經回覆正常,如果而家再投資生產口罩嘅都真係未必可以再賺到錢。所以一係就做得快,如果唔係錯過咗就不如唔好做好了。

「等待」

有時真係估唔到乜嘢會成功,乜嘢會失敗。見到商機通常都係鬥快。不過有時就係等待,當然等待唔代表守株待兔,只係需求因為好多環境因素仍然未普及。就好似數據分析一樣。十年前已經開始做,只不過到今時今日依然未普及。當然有好多大公司開始投放更多資源去利用數據,不過依然係少數。雖然環境未如理想,但係相信經過今次疫情,大家開始轉型,而數據亦都應該慢慢變成必需品。