一百萬

「一年」

唔經唔覺就一年!一百萬人遊行佢唔理!二百萬人佢又唔理!香港嘅亂局係邊個造成?大家不滿嘅係政府嗰班所謂嘅問責官員,同時當日大大聲聲同全香港市民講,如果大家希望佢落台嘅話,就會落台嗰位特首。好多人都繼續堅持,繼續守護大家嘅「家」,就算仲有二十幾年先至到五十年,大家都係依然希望繼續爭取。咁一年之後又會係點?

「改變」

過去一年香港改變咗幾多?一年前有超過一百萬香港人上街遊行,而一年過後由「反送中」變成「國安法」。當初一個可以解決問題嘅決定就可以解決今日嘅問題。大家捍衛嘅民主自由,一國兩制,一年之後嘅今日,就連集會嘅自由都慢慢收窄。如果出年「國安法」實施埋,香港人仲可以上街遊行?仲可以為自己嘅權利發聲?將來當然無人知,但係大家都會堅持到最後一刻!

「未來」

究竟香港人仲可以做啲乜?其實最近嘅就係立法會選舉!當然佢哋可以用好多方法去阻止我哋去參選,甚至乎當選咗之後取消議員資格。只不過如果區議會我哋可以大勝嘅話,其實立法會都一樣可以。所以今年大家真係一定一定要去投票,如果唔係就連大家僅有嘅公民權利同選擇權都放棄。過去一年大家失去咗好多,公義,公正,都蕩然無存,如果再乜都唔做,香港就再唔會係香港!