不變的

「真相」

好多人話經過咁多年,大家只係用同一種方式去爭取,用同一種方法去平反,其實都係冇用。當然方法係可以改變,但係承傳就更加緊要。歷史係用文字去記錄發生咗嘅事同物,等下一代係歷史當中了解人類嘅成與敗。但係當一個國家意圖或企圖篡改歷史,否認歷史,打壓尋求真相嘅人,咁就算國家有幾強大幾發達都好,永遠都會有一個歷史污點,永不磨滅。

「歷史」

歷史係不能變的,歷史係不能忘的,歷史係不說謊的!一個只會譴責其他國家而不會譴責自己嘅國家,而且不斷隱瞞事實意圖篡改歷史嘅國家,究竟有幾還蠻霸道?歷史就係歷史,事實就係事實,無數嘅片段,無數嘅紀錄,已經足以證明當年中國政府係有使用武力去鎮壓同屠殺當年係天安門爭取民主自由嘅中國人!無人會忘記呢段歷史,亦都無人改變到!如果唔係事實嘅話,點解要隱瞞,要打壓?只有心虛嘅人先至會咁樣做!

「香港」

今日香港,明日台灣。今日國歌法,明日國安法。五十年不變?一國兩制?港人治港?高度自治?特別行政區?就連真普選都未落實,仲講乜嘢五十年?而家一半都未到,就已經要搞到咁。如果當初唔係林鄭嘅反口覆舌,話唔選又選,今日嘅香港或者仍然保持原貌一段時間。為咗下一代,去留仍然係一個好難決定嘅問題。不過最緊要嘅係將段歷史繼續教育下一代!「不想回憶,未敢忘記」!