新正常

「改變」

因為一個突如其來嘅病毒,令全球改變咗生活同工作模式。以前大家覺得唔正常嘅嘢變得好正常,而亦都將以前正常嘅嘢邊得好唔正常。咁乜嘢先至係新正常?最起碼而家世界各地都知道帶口罩嘅重要性。無得去旅行,無得去公幹,無人搭飛機,無人訂酒店,完全好正常。原來好多工作係可以唔需要返公司先至做得,係屋企做亦都可以。如果真係繼續講真係有排數。

「正常」

人嘅生活係千變萬化,亦都會因為環境嘅改變去不斷適應新嘅環境。只不過當發生一啲突如其來嘅改變,未必所有人都可以好快咁適應到,甚至乎會覺得無所適從,失去方向同安全感。當然一個疫情衍生咗唔同嘅危機同新機,無論你係邊一邊都好,慢慢好多嘢都會回復正常。而經過咗幾個月嘅改變,好多人都已經適應咗新嘅生活,只係有時大家諗幾時先至可以回到過去所謂嘅正常生活啫。

「適應」

其實所謂嘅新正常真係改變咗咁多嘢咩?好多人會話唔慣係屋企工作,但係其實外國好多公司好多年前都已經有咁嘅模式,只係好多人唔習慣。可多人話要轉型,其實市場嘅改變只係取決於快定慢,但係一直都有改變,因為唔變就只會被淘汰。所以其實從來唔係新唔新嘅問題,只係當大環境突然改變得太快,大家需要時間一齊去適應新環境,新生活,新嘅營商模式。