上太空

「人類」

1969年7月21日,係人類第一次登陸月球,而岩士唐成為第一位人類踏足月球。「個人一小步,人類一大步」,人類嘅太空競賽直至今時今日都未停過。而今日亦都因為 SpaceX ,而成為第一間企業成功將人類安全送上太空。當然最重要嘅就係同國際太空站對接,與此同時亦都要安全咁將兩名太空人成功咁送返地球。不過最起碼已經成功咗一半!

「太空」

有冇諗過太空旅行,甚至乎移民去其他星球?睇電影就睇得多,現實有無可能實現?當然有生之年唔知有無機會,但係今日 Elon Musk 嘅公司 SpaceX 成功咁將兩位太空人送上太空!今次係自從美國太空總署係 2011年7月21日停止所有太空任務之後,相隔差唔多9年,而再一次有太空人成功升空。對於人類嚟講亦都係一個大突破,因為今次係第一次太空人唔係都係通過美國太空總署嘅穿梭機上太空!

「未來」

老實講,真係不得不佩服 Elon Musk,如果話佢係現實版嘅 Iron Man 其實都真係唔過份。當然最後一關就係安全將兩個太空人送返地球啦,不過過去咁多次嘅任務都好成功,相信應該唔會有太大嘅問題。至於佢自己就當然希望太空旅行平民化,同時亦都希望可以幫人類移居去其他星球生活。如果今次任務成功,應該係對佢整個計劃邁進一大步!