「賭王」
我諗應該無人唔識何鴻燊，因為基本上來往澳門點都應該坐過噴射飛航。而去澳門嘅話，亦都或多或少都會去住過佢啲酒店同去過佢啲賭場。而撇除佢嘅政治立場，或者佢嘅家庭，老實講佢所創立嘅皇國真係好誇張！開賭場基本上真係無可能蝕錢，因為世界上只有一個人開賭場開到蝕錢嗰個就係特朗普，所以佢當年用盡辦法去說服當時嘅澳葡政府。之後當然就攞到個賭牌啦！
「逝世」
今日賭王何鴻燊逝世，終年98歲。雖然近年佢嘅身體狀況都唔算樂觀，所以亦都唔會感到好意外。而佢生前經常將「一生人從來不聽不，一定要做到為止」掛在口邊，其實到今時今日大家都應該抱著嚟種態度，當然現今社會未必只靠勤力發奮，就會有機會，但係唔勤力發奮就一定無機會。所以都真係幾認同佢所講嘅「窮則變，變則通」，唔好咁容易放棄！
「遺產」
當然唔知點解大家會覺得係一個好消息，因為「信德集團」同「澳博控股」都有顯著嘅升幅。不過相信好多人嘅焦點都會放係佢嘅遺產分配，因為十年前發生過爭產事件，而當時佢用「搶劫」去形容。不過亦都相信因為嗰次嘅事件，遺產嘅分配應該已經早有定案，希望唔會有啲乜嘢嘅爭產風波出現。而其實好多嘅業務都已經交低咗好多年，所以係營運層面應該都唔會有任何問題。
