「機會」
因為疫情嘅緣故政府推出咗好多唔同嘅舒緩措施，今個月好多人都忙於「遙距營商計劃」。當然係現時嘅市場情況下，大家都會覺得係一個難得嘅機會，不論服務供應商又好，想用政府資助嘅企業又好，都係想睇下點樣可以拎到政府嚟舊錢。當然推出之前已經有好多公司走出嚟話自己已經係供應商，又話可以幫手申請個計劃。原因好簡單就係想分嚟舊「肥豬肉」！
「計劃」
其實拎政府錢係唔係真係咁易？一個「遙距營商計劃」，預計會發放5億元，支援企業開拓遙距業務，每間企業最高可獲30萬港元總額資助。咁如果間間都申請30萬嘅話，即係得1666間公司左右，而如果按項目嚟計就得5000個。當然點先至被批核真係無人知，以就算無係服務供應商入面都有好多人問點樣申請。其實好多時都係得個忙字，到最後係唔係真係分到錢都係未知之數，所以不如專心做返自己嘢就算啦！
「申請」
雖然政府講到申請好易，但係其實都唔係。當然係因為避免造假嘅情況，同希望啲錢真係幫到企業轉型。但係最後都係要企業先俾錢，然後再等政府俾返錢，時間要幾耐？真係無人知！個個一窩蜂咁去填表申請，成功率有幾高真係唔知，所以與其浪費時間，希望可以分一杯羹，倒不如做返正經嘢。而家疫情開始減退，大家都開始再活躍起嚟。有時有啲嘢都係俾返啲做開政府嘢嘅公司啦！搵政府錢其實無大家想像中咁易，有時反而係得不償失。
