質素低

「香港」

香港係六七十年代警隊貪污嚴重,亦都對政府嘅形象造成沉重打擊。所以香港先至有廉政公署。但係近年警隊嘅質素越嚟越低,唔通我哋又時光倒流,去返六七十年代?究竟係唔係知法犯法?相信每一位香港人心底裏都有一個答案。究竟警察仲係唔係大家可以信任嘅香港人?當然紀律部隊係要遵從命令,只係今時今日佢哋有幾多人真係真心覺得無問題?

「後補」

之後補?真係差啲以為自己聽到支付寶!今時今日竟然仲有後數架咩?一個警察唔通真係執行任務嘅時候乜嘢都可以徵用?點解連一支水都無係身?同袍到無?竟然走入去一間便利店入面就咁拎支水?真係好似唔洗比錢同唔使負責任?而之後雖然有另外一個部門俾返錢,但係佢哋又點知呢?俾返錢走可以當冇事發生過?警察依家已經大晒,咁國安法出埋仲大鑊?

「質素」

其實大家都應該認同警察係需要具備一個強壯嘅身體,但係真係小學生咩,只係少少傷,竟然上載係社交媒體?真係有無咁唔捱得呀?就算小朋友玩到有可能搞到咁啦。再睇下咁你哋打傷嘅市民先至講啦!你哋個個揸住支槍,啲市民揸住啲乜?行街食飯都屈你違反限聚令!喂喂,人哋一家四口食飯好正常,唔通人哋一家人食飯都唔得?真係感覺返咗去以前嘅香港!所以老人家點解話,「好仔唔當差」係真係有原因嘅。