破產潮

「影響」

究竟武漢肺炎嘅影響有幾嚴重?同我之前所講,最起碼航空,酒店同旅行社都受到最大嘅衝擊。究竟有幾多公司可以捱得過疫情嘅影響,相信慢慢會浮現。只係遲早嘅事,因為影響只係啱啱開始,而真係言之尚早。無人知幾時先至會回覆正常,最起碼今年都應該唔會。所以有幾多公司可以捱足一整年?講真應該唔會太多!而破產潮應該好快出現,好多行業都應該會大洗牌!

「破產」

今日最大單嘅新聞應該係租車公司 Hertz (赫茲)申請破產。咁大間公司竟然要破產?其實唔太難理解,因為武漢疫情嘅影響,莫講話少咗旅遊嘅客戶,其實最大嘅收入來源應該係公司嘅客戶都冇埋。疫情至今已經基本上無人能夠飛去其他地方工作,因此無公司客會租車。收入大減,樣樣嘢都係開支,頂唔順係遲早嘅事。就好似早前泰國航空亦都面臨破產。

「生存」

創業難,守業更難。有時真係天時地利人和!一個肺炎搞到整個市場翻天覆地,真係可以話百年一遇。就算公司幾有錢都好,好多時都敵唔過一啲無可預計嘅情況。有啲行業真係無辦法轉型,只可以硬食!慶幸嘅係有啲行業因為疫情已快速增長。只不過大家要諗嘅就係點樣可以更加有效咁做好風險管理。做專係一件好事,但係弱點係好難轉型。做闊亦都可能係壞事,因為太多範疇要兼顧。所以無話邊個策略係好啲,只要今年唔死得嘅都已經係一個好嘅策略!講咁多廢話仲乜?